Ekið til Battle, skammt frá Hastings. Þar var háður frægasti bardagi í Enskri sögu, Hastingsbardaginn 1066 þar sem her Vilhjálms sigursæla frá Normandý vann sigur á her Haralds II Englandskonungs. Þar verður frjáls tími til að skoða sig um og snæða hádegisverð.

Eftir að hafa kynnt okkur bardagasvæðið, munum við aka til Canterbury. Þar gistum við næstu nótt á Hampton by Hilton Hotel.

Ökum til Dover. Þar tökum við ferju yfir til Calais á norðurströnd Frakklands. Frá Calais ökum við í 2 ½ klst. til Rúðuborgar en þar gistum við næstu 2 nætur á Novotel Rouen Centre Cathédrale.

Ekið til Honfleur á vesturtrönd Normandy, en bærinn er einstaklega fallegur hafnarbær við ósa Signu. Héðan fór Jacques Cartier árið 1534 og stofnaði fyrstu frönsku byggðina í Kanada og einnig Champlain árið 1608 til að stofna nýlenduna Quebec. St Catharina kirkjan í miðjum bænum er elsta timburkirkja í Frakklandi, byggð á 15. öld. Frjáls tími til í Honfleur.

Síðan ökum við að Calvados Pére Magloire l’Experience en þar munum við kynna okkur framleiðsluferli á Cider og Calvados auk þess að smakka á þessum drykkjum.

Loks höldum við til Caen, þar sem við virðum fyrir okkur Caen kastala sem byggður var af Vilhjálmi Sigursæla og heimsækjum munkaklaustrið þar sem hann liggur grafinn. Tékkum inn á Hotel Ibis, Centre Caen en þar munum við gista næstu 2 nætur.

Ekið til Bayeux. Byrjum á að skoða Bayeux Tapestry, en þar er að finna hinn einstaka Bayeux refil. Þar eru atburðir ársins 1066 raktir í myndmáli á 70 m löngum refli, 50 cm breiðum, Þar er einnig safn sem rekur sögu innrásar Normanna í England. Síðan er frjáls tími í borginni til að skoða sig um og snæða hádegisverð.

Eftir hádegi ökum við út á strönd þar sem við skoðum minjar um D-daginn, innrás bandamanna í Normandy 6. júní 1944. Skoðum bandaríska kirkjugarðinn við Colliville og Omaha ströndina. Ökum síðan til baka til Caen.

Ekið til Mont Saint Michel, sem er lítil klettaeyja (aðeins 4 ferkílómetrar), en þar stofnaði Aubert biskup klaustur á 8. Öld. Þessi stórfenglegi staður er heimsóttur af 4 milljónum ferðamanna árlega. Frjáls tími þar til að skoða sig um og snæða hádegisverð.

Að heimókninni lokinni ökum við í rúmlega klukkustund til Chateau de Peres. Við kastalann er nýlega búið að byggja mjög sérstætt hótel, og þar munum við gista næstu nótt.

Rúta frá hóteli til Charles de Gaulle flugvallar í París. Flug FI453 kl. 14:00 og lent kl. 15:35.